كيف حالك؟ انتي بخير؟ أنا؟ لا أنا مش بخير .. دايما كنت احكيلك اني بخير وبكذب عليكي، في كل مرة كنت متضايق ومتوجع وغرقان في مستنقع خرا كنتي تحسي فيي وتشوفي الحزن ورا ابتسامتي المصطنعة وتسأليني إن كنت بخير وكنت أكذب عليكي بس هالمرة مش رح أكذب، قوليلي بالمناسبة شو نوعيتها أجهزة الاستشعار اللي موجودة عندك واللي بتخليكي تحسي فيني بهالصورة!؟ مش مهم هلقيت، وحتى كوني مش بخير فبرضو مش مهم هلقيت، معناش وقت طويل والأولوية هي انو لازم أطمئن عليكِ .. كيف أمورك؟
امممم .. مش عارف شو أحكيلك بصراحة، الوضع زبالة عموما، ايه ابوي خلف، جاب عمر وشهد، كوام سفالة ومياصة، شهد شبه أحمد الخالق الناطق، حتى نفس درجة سفالته وقلة حياة .. نفس درجة حلاه .. شو؟ اه طبعا معلش مفيش زي حلاة اولاد بطنك مش مختلفين واقلك مفيش زي سفالتهم كمان، عاد للأمانة عمر بيشبهني وبيشبه محمد وبيشبه خالي كمان .. بالمختصر بيشبهك، هو بالذات كنتي رح تحبيه اكوام اكوام لو شفتيه، ايه يا ستي بيشبهني بس مش احلى مني ولا من محمد حاضر .. احنا عموما بخير، اخوي واختي بخير، جوزك بتقدري تقولي بخير بس صحته صايرة على قده .. قلتلك يا بنت الحلال مش مهم هلقيت المهم أطمئن عليك.
صعب والله يما أشرح .. بتتذكري سنة ٢٠٠٤ كنتي قاعدة بالدكان وكانت حليمة قاعدة معك؟ وفجأة قعدتي تصيحي على المرحومة امك اللي ماتت سنة ٩٢؟ يعني انتي فاهمة علي صح؟ كيف الواحد بدو يكون بخير وانتي بعيدة عنه .. شو؟ علي صوتك يا قمر مش سامعك .. ليش بتبكي بس دخيل أنبياء الاسلام تبعك؟ يا حبيبتي قلتلك اني بديش اكذب عليكي ليش تخليني اندم على اني صارحتك بس؟ انا مشتاقلك بس .. انا وماما مشتاقينلك وهي كل القصة .. هو انا ما قلتلك؟ نجلاء صرت أحكيلها ماما هلقيت .. لا يا قمري ويا ضو عيوني ما ببدلها بيك .. فشرت هي وعشرين واحدة زيها .. انا حتى مش بناديها (أمي) زي ما كنت أناديلك .. بس هي اقرب اشي لإلك ولصورتك هلقيت والحد الوحيد بالعالم اللي بيدير باله علي، لا والله مش الوحيد المحبين كثار يا أمي والحمد لله بس مفيش حد في الدنيا بيملى مطرحك بقلب الواحد وبحياته .. تخافيش علي والله الواحد مش ناقصه غير حضنك ويبوس إيديك .. الصلاة؟ بجد؟ وقتك هلقيت يا حبيبتي ووقت مشيختك؟ حاضر .. حاضر .. حاضر رح ألتزم بالصلاة وبالجامع كمان .. بعرف .. والله بعرف مفيش اشي ناقص علي حاضر .. خايفة ما! .. خايفة ما أدخل الجنة وتشوفيني؟ ليش انتي دخلتيها بصلاتك يا حبي؟ هو في الله عادل بعد كل هالظلم اللي انظلمتيه بحياتك رح يحاسبك حتى لو كفرتي بيه؟ ............. طيب خلاص سامحيني .. قلبك كبير يا بنت الحلال .. طب وغلاوتك عندي ومحبتي إلك غير تسامحيني وترضي علي قبل ما نخلص كلامنا .. محمد رسول الله .. مع السلامة يا ضو عيوني .. ما تقلقلي يا حبيبتي رح أكلمك أول ما تيجيني الفرصة .. في أمان الله.
امممم .. مش عارف شو أحكيلك بصراحة، الوضع زبالة عموما، ايه ابوي خلف، جاب عمر وشهد، كوام سفالة ومياصة، شهد شبه أحمد الخالق الناطق، حتى نفس درجة سفالته وقلة حياة .. نفس درجة حلاه .. شو؟ اه طبعا معلش مفيش زي حلاة اولاد بطنك مش مختلفين واقلك مفيش زي سفالتهم كمان، عاد للأمانة عمر بيشبهني وبيشبه محمد وبيشبه خالي كمان .. بالمختصر بيشبهك، هو بالذات كنتي رح تحبيه اكوام اكوام لو شفتيه، ايه يا ستي بيشبهني بس مش احلى مني ولا من محمد حاضر .. احنا عموما بخير، اخوي واختي بخير، جوزك بتقدري تقولي بخير بس صحته صايرة على قده .. قلتلك يا بنت الحلال مش مهم هلقيت المهم أطمئن عليك.
صعب والله يما أشرح .. بتتذكري سنة ٢٠٠٤ كنتي قاعدة بالدكان وكانت حليمة قاعدة معك؟ وفجأة قعدتي تصيحي على المرحومة امك اللي ماتت سنة ٩٢؟ يعني انتي فاهمة علي صح؟ كيف الواحد بدو يكون بخير وانتي بعيدة عنه .. شو؟ علي صوتك يا قمر مش سامعك .. ليش بتبكي بس دخيل أنبياء الاسلام تبعك؟ يا حبيبتي قلتلك اني بديش اكذب عليكي ليش تخليني اندم على اني صارحتك بس؟ انا مشتاقلك بس .. انا وماما مشتاقينلك وهي كل القصة .. هو انا ما قلتلك؟ نجلاء صرت أحكيلها ماما هلقيت .. لا يا قمري ويا ضو عيوني ما ببدلها بيك .. فشرت هي وعشرين واحدة زيها .. انا حتى مش بناديها (أمي) زي ما كنت أناديلك .. بس هي اقرب اشي لإلك ولصورتك هلقيت والحد الوحيد بالعالم اللي بيدير باله علي، لا والله مش الوحيد المحبين كثار يا أمي والحمد لله بس مفيش حد في الدنيا بيملى مطرحك بقلب الواحد وبحياته .. تخافيش علي والله الواحد مش ناقصه غير حضنك ويبوس إيديك .. الصلاة؟ بجد؟ وقتك هلقيت يا حبيبتي ووقت مشيختك؟ حاضر .. حاضر .. حاضر رح ألتزم بالصلاة وبالجامع كمان .. بعرف .. والله بعرف مفيش اشي ناقص علي حاضر .. خايفة ما! .. خايفة ما أدخل الجنة وتشوفيني؟ ليش انتي دخلتيها بصلاتك يا حبي؟ هو في الله عادل بعد كل هالظلم اللي انظلمتيه بحياتك رح يحاسبك حتى لو كفرتي بيه؟ ............. طيب خلاص سامحيني .. قلبك كبير يا بنت الحلال .. طب وغلاوتك عندي ومحبتي إلك غير تسامحيني وترضي علي قبل ما نخلص كلامنا .. محمد رسول الله .. مع السلامة يا ضو عيوني .. ما تقلقلي يا حبيبتي رح أكلمك أول ما تيجيني الفرصة .. في أمان الله.
ليست هناك تعليقات:
إرسال تعليق